| ¦°»Dam3aT_QaTaR... 的个人资料ஐ·.¸¸·´¯`·.¸¸.✽◇♥ ÐąM3áŦ...照片日志列表 |  工具  帮助 |
|
ღ وفيات | متغير علي | ابيك تحـب وتولهـ ღ السلام عليــكم ..
شحالكم ..؟؟
ادري من زمان مانزلت بلوق .. او كتبت شي ..
شنسوي . . اول شي جات أزمه الامتحانات .. عقب الاجازه اللي مدري متى بتعدي على خيــر
 من جيـه .. هالبلوق بيكون شوي مختـلف
خلــنا نبـدا
اول شي بتكلم عن الامتحانات وازمتها اللي مرت على خيـر
كانت امتحاناتي بدايه شهر 6 ..
عدت هالايام على خيــر ..
بس شاللي بقى ؟..
النتــاااايج
::
:
::
طلعت النتايج ..
ثلاث ارباعها حلوة ..والربع الاخير مب حلو << عاد انها مسويه نفسها شاطره
المهم .. وخلصت الامتحانات ..
بس ترى ماخلص الشهر لليحين !!!!!!؟
ليش ؟
شالسالفه ..
بقولكم شنو ..
للااسف .. كان شهـر مب حلو كلش كلش !!
كان شهر مليان حزن وهموم ..
كان شهر ..
بين فتره وفتره ..
نسمع خبر وفاة اشخاص عزيزين وغاليين على قلوبنا ..
::
:
 :::
وفاة " ولد عم الوالد " كانت في بدايه شهر 6
وفاه "ولد عم الوالد " << عمه الثاني .. بعد ماتوفى الاولي باسبووووووع !!
وفاه "دار بن ثاني " بتاريخ 25 \ 6 .. بنفس يوم وفاه ولد عم الوالد !!
وفاة " فهد الجفيري و ماجد الحمر " << كان ببدايه هالشهر 1 \ 7
مرض اغلى عمه عندي .. وسفرها .. ورجوعها وهي تعبانه ..
::
:
::
للاسف ..
كل هاي صار .. في شهر 6 ..
صرت اخاف انام ..
واقعد ..
واسمع خبر يكدر الخلق
هو صحيح انه قضاء وقدر ..
لكن وفاه .. وفقدان اشخاص عزيزن على القلب ..
يحز في الخاطر
لــكن ..
صرت احاول قد ما اقدر اني اقوم اقوى من قبل ..
مع كل وفاه ..
تخليني افكر ..
انا شسويت في دنيتي ؟؟
لين جا يومي .. وسالني ربي عن اللي سويته ؟؟
شنهي بتكون اجاابااتي ؟؟
سالت نفسي ..
شلون بتكون خاتمتي ؟؟
يارب ارزقنـا بحـسن الخاتمـه
هالمواقف اللي مرت
خلتني اصحى من اخطاء كنت اسويها
خلتني افكر الف مره قبل لا اسوي الشي ..
خلتني اسوي حساب لآخرتي قبل دنيتي !!
بهالكلام .. انا مابي اكسر خاطركم ..
او تشفقون على حالي ..
لا ..
ابيكم تفكرون بنفسكم ..
وشاللي سويتووه في دنيتكم حق آخرتكم ؟؟
يارب ارحم جمـيع موتى المسلمين ..
 خلصت موضوعي الاول ..
وبدخل بالثاني الحـين ..
يمكن يكون كلامي شوي مشابه للكلام اللي كتبته في بلوق من البلوقات القديمه
بس باقوله ..
اول شي بسألكم ..
شرايكم في التغيــر ؟؟
اممم يعني ..
شرايكم لو شخص عزيز وغالي واييييد على قلبكم
يتغير عليكم ؟؟
اكيد كلكم واجهتوا هالشي صح ؟؟..
قولوا صح عشان اكمل كلامي ^_^
::
:
:::
بصراحه انا بتكلم بشكل عام ..
مابي اخص شخص معين بكلامي ..
بس يمكن " اللي على راسه بطحه يحسس عليها " !؟
مادري شلون شعور كل شخص منكم بهالشي ..
بس بيكون موضوعنا عنه ..
:
::
طبعاً شعور مب حلو ..
لما تحس انك ولا شي .. عند شخص تحبه
وتحاول قد ماتقدر انك تعرف شنو سبب تغيّره
او جفافه وياك ..
سواء في التعامل .. الاسلوب .. الكلام .. الخ
:
:
::
ممكن ساعات تشك في نفسك ..
ليش ؟
انا شسويت ؟
غلطت في حقه ؟
سويت شي ضايقه !!؟
الف فكره وفكره بتجي ببالك ..
::
:
بتكره نفسك على هالتفكير
بالعكس ..
ممكن نفكر بعد انه هو صار يكرهنا ..
مب بس تغير علينا :(
::
الصراحه ؟؟..
انا مريت بهالتجربه ..
وتغيروا علي اشخاص وايد ..
حاولت اعرف السبب ..
بس للاسف كان السبب وايد غبي
او بالاصح يضايق !!
::
:
احساس كلش مب حلو ..
لما تكون شي .. وتصير ولا شي
عند شخص كنت متوقع انك تكون عنده الكل بالكل
والسبب في هالتغيير ليش ياترى ؟؟
يمكن لانه حصل شخص غيرك ؟
صديق غيرك ؟
حبيب غيرك ؟
مع انه مايعطييه كثر اللي كنت تعطييه !!؟
ومع هاي .. تغير عليك
او بالاصح غيــروه عليك !!
:
:تحاول قد ماتقدر تعدل اللي صار
ساعات تذل نفسك .. بس عشان ترد العلاقه ..
بس اللي تعلمته من اللي صار كله ..
" اللي ابيه واسوي له كل شي .. مب عشان شي .. بس لاني احبه .. يدووس قلبي .. ويحطني تحت ريوله ..
والشخص اللي مايعطييهم شي .. يركضوون وراه .. ويحطونه فوق راسهم "
يعي بالعربي ..
شاللي حااااااادّني اركض ورا ناس ماهمها الا مصلحتها ؟
ماهمها الا وناستها ..
حاطتني سبّيــر "شخص بديل" تتسلى فيني وقت الفراغ
::
::
:
بعض الاحيان نسكت عن هالاشياء اللي قاعده تصير
مب عشان سبب
لا . . بس لان ماتهون علينا العشـره
بس للاسف .. محد يستاهل في هالدنيا
لا حبيب .. ولا صديق
شفايدتهم وقت الشده مايفزعوون لي
والا وقت الوناسه والضحك والطلعات والسينمات بس تذكروني ؟؟
::
:
"دام هذا حبكم :: خلينا الحب لكم"
::
:
حاولت اقنع نفسي ..
ان اللي قدر يعيش بدوني ..
اقدر اعيش بدونه
وليش ما اقدر ؟؟
ليش هم قدروا ؟؟
هم غير ؟
لا
مب غير
هم اقوى ؟
لا
مب اقوى
هم احسن مني؟
لا
مب احسن مني
::
:
:::
ومن هني ..
عرفت وين القوه
القوة لما تكون تحب شخص مايدري عن هوا دارك
مايدري انت شتسوي
مع من تقعد
مع من تروح
يهملك ..
يتركك
تواجه حزنك وضيقتك بروحك
حتى لو كان هوو .. سبب هالضيقه !!
::
:
:
شعور مب حلو ..
لما تحتاج اللي تحبه ..
ومتعود انك تكون وياه ..
بعيد عنك !!
متغير عليكـ
قاسي
قلبهـ حجر
مايحس باللي تحسه
مايسألك شفيك ؟
والا عسى ماشر شفيك متضايق ؟
زعلان مني ؟
::
هههه
تدرون .. صار نادر هالشي
وتدرون ليش؟؟
لان الحين .. اللي يغلط مايحس بغلطه ؟
او بالاصح .. يشوف نفسه هو اللي صصصصصح .. وانت اللي غلط
يحسسك ان اللي تسويه ولاشي
يحسسك انك لو تروح يمين او يسار .. مثله مابتلاقي ؟؟
تبون الصج .. اي مابنلاقي
لان ماظن فيه اشخاص قلوبهم سوده .. وحجر مثل قلبه !!
او يمكن فيه اكثر من واحد .. من يدري ؟؟
::
::
تحس بضيقه ..
وغصه ..
وشكلك يبين انه متضايق
وصوتك يبين انه تعبان
وكل شي يدل انك فاقد شي ..
لكن الشي اللي فاقده ..
او الشخص اللي فقدته ..
مايحس فيك ؟؟
يحسون فيك كل اللي يشوفونك
يسألونك ..
شفيك ؟
ليش متضايق ؟؟
اضحك ..
واجاوب مافيني شي
شالفايده من الضحكه ..
شالفايده من الابتسامه ..
وانا من الداخل مجرووحه ومكسـووووووره !!
::
:
:
 :
:
::
وآآآه ..
ياخوفي من هالتغيير لو طال ..
"صارلك كم ليله .. وانت بالك ماهو لي "
يلعب الشيطان بعقلك وقلبك
يخليك تفكر مليووون فكره
يخليك تحاول تنتقم
بس للاسف ماتقدر
ليش؟
لان قلبك طيب :(
مايقدر يجرح او يضايق مثل مايضايقونك !!
ساعات اكره هالشي فيني
ليش اكون طيبه مع ناس مايستاهلون
اتساهل وياهم بأشياء وايد ..
اعّدي غلطاتهم واسكت ..
احاول احسسهم اني تضايقت من هالشي اللي سووه
..
يعتدلون يوم ..
"وترجع حليمه لعادتها القديمه"
..
تعطي اشياء وايد
وتقدم تضحيات كثيييييييره ..
حق هالاشخاص اللي تعزهم وتحبهم وتغليهم ..
لكن
من بدال ماتحصل المثل .. او الاكثر
تحصل الصدود
الجفا
القسوه
الجروح
الزعل
الضيقه
::
:
:
كل هاي ..
وبعد صابر
بس لين متى ؟؟
لين متى بنصبر على اشخاص قاسيين علينا ؟؟
لين متى بنسكت عن اغلاطهم ؟
لين متى هم بيتمون جيه ؟؟
متى بيحسون بقدرنا ؟
كتبت هالجمله في بلوق من قبل
وباكتبها مره ثانيه
جرب هوى غيـــــــــري .. بتعرف قديـــــــــري
ليش ؟؟
ليش ماتحسون باللي حولكم قبل لاتفقدونهم ؟.؟
ليش تحسون فيهم عقب ماتفقدونهم ؟؟
بس في ظنكم اذا رجعنا لكم .. بنكون نفسنا نفسنا ؟؟
ماتغير شي فينا !!
امممممممم مادري ..
تقدرون تجاوبوني ؟؟
انا عن نفسي مادري ..
بس احس اني اي بارجع نفس ماكنت :(
::
::
::
::
احس ان كلامي مخربببط .. ومعفس هالمره
بس مادري هاي اللي في قلبي
وحبيت اقول حق كل اللي تغيروا .. ترى الدنيا ماتستاهل
"دنيا ومن يدري .. كل شي يصير فيها
وعشرة عمر وسنين بلحظات نمحيها"
بليز ياللي تحبون بعض
ياللي مرافجين بعض
لاتتغيــــــرون
على اللي يحبـــــكم
ترى اذا خسرته ..
ماظن تقدر تسترجعه في يوم من الايام
ولو رجع لك
مابيكون هو هو الاولي !!
 اممم
احس اني لازم اسكر الموضوع الحين
مع اني ماخلصت
واحس انه مخلبط ..
بس معليه اقروه ..
ان شاءالله بتفهمون علي =)
::
:
:
خلصنا الموضوع الثاني ..
::
اممم بدخلكم بجو غير
..
يمكن له خص بالموضوع الثاني شويونه ..
هذي قصيده .. قريتها واعجبتني ..
قلت احطها لكم ..
تقرونها .. وتعطوني رايكم فيها :)
◦◊◊◦
◦◊◊◦ابيك تحب ابيك تحن ابي توله مثل اول
ابي عينك تناظرني وتترقب بجياتي.. ابيك تحس ابيك ترد وابيه البعد مايطّول
ابيك تشوف حبي لك مع قلبي وفي ذاتي.. ابيك تلومني لو غبت ابيك تثور وابي تزعل
وابي ارضيك بخضوعي معك بكل غاياتي.. ◦◊◊◦ ◦◊◊◦تعال اسقني من حبك ترى جسمي بدا يذبل
تعال وشوف كثر الهم بدا يظهر بنظراتي.. تعال وقول انا احبك ابي عروقي بها تبتل
ابيك تكون لي الدرب ابيك اقرب مسافاتي.. تعال اشكي لك همومي خلاص ارجوك لاترحل
انا محتاج لوجودك يجمع باقي شتاتي.. ◦◊◊◦
◦◊◊◦ابيك النور ابيك الليل ابيك الشمس ابيك الظل
ابيك انت لي الدنيا تكون آخر محطاتي.. واذا ابطيت ماجيتك ابي تنظر وابي تسال
ومهما غبت عن عينك ابيك تخاف وتحاتي.. واذا ماتت أمانينا وخاب الوقت وتبّدل
ابي ايدك تلازمني وتمسح كل دمعاتي.. ◦◊◊◦
◦◊◊◦واذا تحت الثرى جسمي بيبـقى حبنا ويظل
معك دنيا انا فيها ومن دونك نهاياتي.. ابي تبكي على فقدي وابي حزنك علي يطول
ابيك تكون تذكرني وتذكر كل رغباتي.. ◦◊◊◦
◦◊◊◦::
:
:
::
ووصلت لنهايه بلوقي
تعبت عليه ..
من جيه ..
هالله هالله بالكومنتاااات .. ترى ها .. باازعل
::
:
تحياتي
آنــاا
دمـــوعــــهـ
:
::
ღ يومـيات جامعيه + طق يامطر طق ღ مرحبـــااا بزوااري الحلوووويـن
طبعاً الكل يدري ان ماعندي وقت .. << عاد انج مسويه نفسج شخصيه الكل يعرفج
المهم ماعليــنا
جايتكم اليووم بموضوع .. حديد
خبركم في الجامعه ..
وكيمرة الجوال لاعبه دورها عدل مددددل
 --------------------------[♥ ÐąM3áŦ_QàŦäŘ ♥ ] ----|وعشان جيه قررت انزل صور يديده ..
اترككم مع الصور .. والتعليق الخاص بكل صووور =)
أول الصوور .. صوور الجامعه
(1)
بخصوص يوم من الايام ..
كنا كالعاده انا وربعي .. ماشييين .. رايحين محاضره من المحاضرات
وهالمحاضره في مبنى الاداره ..
واحنا تونا طالعين من مبنى العلوم
طبعاً حق اللي ساكنين جامعه قطر الحلوة .. يعرفون الطريق اللي بين هالاثنين ..
المهم
واحنا نمشي ونمشي ..
شووي الا نشووف هذاك الهممممر
الكششخه .. واقف لكم عند النشاط
فتحت عيوني
قلت شهالهمر العجيب اللي واقف عند الباب ..
من هالانسان او الانسانه اللي ماقدرت تمشي ودخلت بالسيااره لين هني ؟؟
اااخ ياقلبي
ليت عندي مفتاااح هالهمر
جاان صارت علوووووووووم
طبعاً الكل يبي يشوف هالهمر اللي خذ عقلي
وخلاني اتمنى الليسن بس عشان اسوووقه !!
تبون تشوفونه ؟؟
زين شوفوه
آآه ياحلاته ..
\\
//
\\
//
وتلومووووني اذا انغررررمت فيه ؟؟
كفايه انه يوووصلني بسررررعه .. بدوون ما امشي هالمساافات .. اهئ
(2)
نجي للصوره الثانيه .. واحنا طالعين من مبنى الاداره .. انصدمنا بأشخااص .. اقصد رياااييل .. قلنا بووووووه صاارت جامعتنا خلط خلاص هم كانوا اكثر من اربع ريااييل تقريباً .. واصلاً هم عمّال في الجامعه او انهم جايين يسووون شي ماشيات .. المهم الشي الغريب في هالاشكال انهم كاشخين حدهم << دخييييييلج بس والله والكشخه يعني هم يمكن يعتبرون نفسهم كاشخين بس على قولة وحده من ربعي .. "جييييييييييييييب" افسر لكم الكلمه اذا مااتعرفون عنقليززي .. يعني كجره .. مال خربطييشن .. يعني كشخه على البطييييخ والمشكله الاكبر انهم يمشوون بكككل ثقه !! وسامتين لكم ظهورهم .. حرس وطني صاروا مب عمّاال هيهيهيه على العموم ما اطول عليكم اكييد خاطركم تشوفونهم ترى اي نسيت اقولكم عزااب .. يعني مب متزوجيين .. اللي تبي واحد منهم تأشررر بس وانا حاضررررررره   (3)
الله يسلمكم كان الجو حلو في يوم من الايام بعد .. واحنا ماشيين .. شفت "مبنى البنات" .. جا على بالي اصوره .. وصوورته !!  (4)
هاللوحه توهم حاطينهاا.. عاد انهم تطوروا .. يبونا ندل !! مايدرون ان احنا صرنا ندل الجامعه اكثر من شوارع الدوحه كلها !! المهم .. بما انهم مسوين حركات بركات يعني صورت اللي مسوينه .. شووفوا ياللي ماتدلووووووووون ^__^  --------------------------[♥ ÐąM3áŦ_QàŦäŘ ♥ ] ----|وخلصنا من صور الجامعه ..
ننتقل حق صور ثانيه .. الله يسلمكم طبعاً شفتوا المطر يوم طق على قطر صح ...؟؟ كان يووم الجمعه .. 17 / 3 وكنا راجعين الهوووم ... وجاان يطق علينا المطر .. وانتهزت الفرصه وصورت لي كم صوووره ..  هههه .. ادري بتستغربون من الصوره يعني شدخل الزباله وحاله .. بس شاسوي جات الصوره جيه .. بس فنانه صح ؟؟ هع  وهني صوره السما .. مع قطرات المطر على دريشه السياااره ..  --------------------------[♥ ÐąM3áŦ_QàŦäŘ ♥ ] ----|وهااي اللي عندي حق بلوووق اليوم ..
يلا تعبت .. باروح انام .. بس هاا .. هالله هالله بالكوووومنت.. ادعووولي اخلص من هالجامعه واتخررج .. وعقب باصورلكم شغلي خخخخخخخ يلا ياحلوين مع السلامه تحيــاتي آنـــا دموووووعهــ ღ احم .. طلهـ حلوهـ بهيـهـ جديدهـ ღ مرحبــاااا ..
احم احم صارلي فتره مادري عن سبيسي ..
شسوي .. بدت الجامعه وبدا الضغط ..
 ومايمديني احك شعر راسي << كلش اللي يسمعج مقطعه الدراسه .. هع المهـــم ..
 فضيت حق سبيسي شويونه ..
وغيرت الستايل .. والألوان ..
ضفت صور .. + .. لستات
لي رجعه له طبعـاً ..
بس اهم شي انه عجبكم ..^_^
 وو
اسمحولي على التقصير
تحياتي حق كل اللي يتابعني .. احم
آنا
دمــووعهـ
 ღ нăpÞұ Ñëώ ỶểạŖ ღ مرحبــاا
طبعاً بتستغربون ..
بتقولون شفيها خرفت ..
شدخل هابي نيو يير اليووم ..؟؟
آنا باقولكم شدخل..
اوف كووورس يعني .. الاغلبيه منكم
ومن الشعب الاسلامي بشكل عام
مايدرون ان احنا دخلنا سنه هجرريه جديده
اللي هي سنه 1427
 بهالمناااسبه .. انتهزز هالفررصه ..
واقولكم كل عاام وانتو بخيــرر
 بس خساره .. بدايه هالسنه كانت سنه مب حلووة للمسلميين ..
والسبب هالدنماركيين الله يلعنهم واللي يسوونه ..
لكن ان شاءالله الله عليهم ..
وانتو بعد ..
شدووا الهمه ..
وحاولوا تقاطعون كل منتجااتهم ..
لان ماظن بنمووت بدوونهم .
 اممم بس هذا اللي ابي اقوله ..
لاني حسيت بقهر ..
السنه الميلاديه نعرف انها بتجي من مده ..
ونعرف كل تاريخ فيها ..
ونعرف شنو المناسبات والاحتفالات اللي تصير ..
بس السنه الهجريه .. مانسمع عنها
تمر وتروح وتجي .. واحنا خبــر خيــرررررررر !!!
وسلامتكم !!
تحياتي
آنــا
دموووعهـ
 ღ خــاطرهـ بعنــوان .. الوصيــهـ .. ღ مرحبــاا ..
شو اخبــااركم ..
صارلي فتره مانزلت موضوع في سبيسي..
المهم
فيه خاطره .. تذبحني ..
تحسونها تحطيييم من قلب
مابي اسبق الاحداث
بس جهزوا الكلينكس .. انا ابصم لكم اللي عنده احسااااااس ..
بيصــيح
 اخليكم مع الخاطره ..
اسمهــا " الوصيــه "
الوصيه
وشهي الوصيه .؟ الله كم هالكلمه قويه منهو يجرأ يخطها في شبابه ؟ منهو مثلي مل قلبه .. من عذابه منهو عينه .. تبكي ألم تبكي ندم تبكي قهر .. في غيابه وصيتي يا أهل الهوى عن عذابي لاتخبرونه وادفنوا كلي تحت ذاك الثرى الا قلبي
الا قلبي
الا قلبي لاتدفنونه
احفظوه لين يرجع وبالخبر لاتفجعونه هونوا مصيبه حبيبي واحضنوه
احضنوه
مثل حضني
سلموه قلبي امانه لاجل يحفظه بعيونه وعلموه اني نطرته وطال صبري فهموه اني وفيت بوعدنا واهديته قلب مايخونه رددوا فوقه حروفي "موتة العاشق جنونه"
وذكروه بالله وقضاه
حكمته في خلق كونه حكمته
في خلق كونه !!  لاتبخلووون علي برااايكم .. وتعليقاااتكــم..
تحياتي
آنــا
دمــووعهـ
ღღღღღღღ
ღ ع ـيدكم مبـاركـ ღ السلام عليكم
شكلها السنهـ سنه حلوة .. مدام بدايتها عيد الاضحى ..
وبهالمناسبه ..
حبيت اهنيكم
بمناسبه عيد الاضحى ..
 وينـعاد عليكم بالخير ان شاءالله ..
 طبعـاً هالعيد كان غيـر
لانه كان بدون امي وابووي ..
اهئ
رايحين الحج ..
ماله حلاة بدوونهم ..
بس معليه .. نستحمل في سبيل حجهم ^_^
والفال لي السنه اليايه ..
 المهم
ما اطول عليكم
وان شاءالله استانستووا في هاليوم ..
وعسى ايامكم كلهاا اعيااد ومحبه ..
 تحياتي
آنــا
دمووووووعه
ღ нăpÞұ Ñëώ ỶểạŖ ღ بمناسبه السنه اليديده ..
حبيت اهنيكـــم ..
нăpÞұ
 ỶểạŖ وعساها سنة خير وسعاده عليكم ..
اممم ..
شفت وايد سبيسات .. حاطه تهاني بهالمناسبه ..
قلت خلني اغير شووي ..
 بس قبل لا ابدا ..
انا ما اقصد شخص معين باللي اقوله ..
بالعكس ..
بس كلام في قلبي .. وابي الكل يسمعه وويشووفه ..
مع اني ماتعودت اني اقول اللي في قلبي ..
مع بدايه السنه اليديده ..
اكيد كل شخص منا متفااائــل ..
وحاط طموحات وايد على هالشي ..
مثلا اللي يدرس .. يقول خلاص من السنه الجايه انا بادرس
وواللي مثلاً يشتغل .. يقول خلاص انا من يوم ورايح ماراح اتأخر على دوامي ..
الخ ....
ادري .. لين الحين مافهمتوا شنو اللي ابي اقوله ..
ولا انا .. مادري شلون اقوله اصلا ..
 حد يعرف معنى الحب منكم ؟؟
اكيد كلكم تعرفونه ..
والاغلبيه منا .. يحبوون ..
مب لازم شخص معين يعني ..
الام .. الاب .. الاخووان .. الربع .... الخ
خلنا واقعيين شوي ..
ونفكر
احنا مقصرين بحقهم ؟؟
ظالمينهم ؟؟
ليش مانخلي هالسنه سنة تسامح ..
نراضي اللي زعلانين علينا ..
وونشوف شنهي الاشياء اللي المفروض تتغير فينا عشان يرضون ..
طبعاً بحدود .. ولو كان فيه صج شي مب حلو فينا ..
شخص تحبه وتبيه يكون وياك ..
يوقف معاك ..
وانت مستانس .. ومتضايق ..
بس ماقلت له هالشي ..
ماحسسته انه وجوده معاك .. يحسسك بالأمان
والراحه
روحوا له .. وقوولوا له هالشي
ماظن انه بيكون اناني لهدرجه ووبيتخلى عنكم ..
بالعكس بيستانس ..
 اذا تحبووون ..
لاتخونون ..
ترى طعم الخيانه مــــر
وعذاب
وجرحها ماهو سهل ..
يبرى بيوم وليله ..
ممكن يتم معااكم لين اخر لحظه في حياتكم
فكرتوا في يوم.. انكم تحافظون على اللي تحبونه ؟؟
تخلونه مايحتاااج الا لكم
ووجودكم معاااه
شي يضاايق وايد ..
لما تحصل اقرب الناس لك ..
بيوم وليله ..
وعقب عشرة عمر ..
يخونك ..
يبي غيرك
او يحبك ويبيك ..
بس مب لك
ومب ملكك بروحك ..
يشااركك فيه اشخاااص
انت اصلا ماتبي وجودهم ..
ولا تبي طاريهم في الحياه كلها .. مب بس في حياة اللي تحبه
شي يضايق والا ؟؟
جاوبوني ..!!
 تدرون ..
انا اكتب .. ولا ادري شاللي اكتبه .. احس كلامي على بعضه .. ومابتفهمون منه شي .. بس باكتبه وباقوله .. مب لاني ابي اكتب وبس .. لا لاني مريت في كذا موقف .. وخسرت فيهم اشخااص كنت اتمنى انهم يكونون وياي دوووووم بس .. خسرتهم  شعور مب حلوو .. لما تحتاج اللي تحبه ووتبيه وترتاح لما تشوفه ..
وماتحصله .. تحاول تكتم اللي في قلبك
والضيقه .. بس عشانه .. وهو في الاساس مب حاس فيك ولا يفكر فيك يبيك له بروحه .. بس عمره ماحسسك باهتمامه وحبه لك يحاول انه يسوي كل شي تبيه .. بس يطعنك من ورا ظهرك وآآه ياقوة هالطعنة ..
 ومن اللي يصير كله تصير مجروح ومن من ؟؟ من اعززز الناس واقربهم على قلبك..  بس اللي اكتشتفه .. والكل اكيد مر في مثل اللي مريت فيه .. ان الشخص مايحس بقيمة الانسان اللي معااه .. الا اذا انـفـقــّـد .. مادري ليش؟؟ بس تهقون .. عقب اللي يصير كله من خييانه وجرح وكذب .. بيرجع الحبيب الأولي اللي خنته .. مثل قببل ؟؟ يهتم فيك ويحبك ؟؟ ماظن ..  يلا معاي . خلوا هالسنه سنه حب ..
وروحوا قوولوا حق الاشخاص اللي تتمنون قربهم .. ترى احنا نحبكم ونبيكم ويانا .. وواذا عندك شخص تحبه .. ومعاك حافظ عليه .. واهتم فيه لاتخونه ولا تجرح مشاعره خله يحس فيك وفي قربك " حافظ على أهل القلوب الوفيه .. مو كل يوم تلاقي واحد يحبك " روح للي تبيه ..
وقول له آنــا أحبـــــك  وشوف شنهي ردة فعله ..
اكيد بيستانس .. وبيكون وياك وماراح يخليك خلوا شعاركم في هالسنه اليديده الزعل مرفووض اممم مادري شاقول بعد والا شآزيد .. بس ان شاءالله قدرت اوصل ولو جززء بسيط من اللي في قلبي .. وصدقوني .. عمر اللي يحب مايكره .. لكنه يسوي افعال .. يخلي الشخص الثاني .. يكرهه حافظوا على تصرفاتكم واسلووبكم وانا من نفسي اقولكم عمره اللي يحبكم ماراح يتغير عليكم لانه محصل حب و اهتمام و راحه و امان ليش يروح لغيرك .. او يلعب من وراك  واذا كنت مع شخص
بس ماقدرت تحافظ عليه
خله ..
واتركه
عالاقل تتركه وهو يحبك وتحبه
وولا انه يجي يوم يكرهك فيه
من اهمالك
اممممم بس شكلي طولت عليكم  كل عام وانتو بخيـــررر
وهذي الاغنيه لكم
وخلوا طريقكم طريق تفاؤل .. ومشوار حب .. ووفا .. والله يووفقكم ان شاءالله اتمنى اشوف كوومنت على كلامي .. لاني محتاجه اعرف رايكم ..  تحياتي
آنــا
دمووووعــه
 ღ شبــح الامتحــانات ღ
هلــووو .. شو اخباااركم ..؟؟ طبعا الكتاااب امبين من عنووااانه ..
شبـــح الامتحانات
اي والله شبح ..
المهم ..
خلني ادخل في الموضوع بسرعه عشان اروح ادرس ..
عندها امتحان ومجابله النت .. خوش والله <<
بغييت دعووواااتكم ..
لي .. وحق كل بنااات الجاامعه .. وبنااات الشهاده الثانويه بعد .. حشره مع الناس عيد .. يحليلهم والله
ما اوصيككككم .. ادعووا لنــاا
والله ان احنا نعاني في هالجامعه مع هالامتحاانات ..
عاد اني اقص على نفسي .. Be Happy
ان شاءالله باكون هابي .. بس عقب ما اخذ النتايج وتكون كلهاااا A
يحليلي أحلم وايد ..
خلاص خلاص .. كتبت وايد
والله باقوم ادرس لاتهاوشون ..
فيه ناس وايد بيسطروني لو دروا اني عالنت الحين .. هع
فديتهم والله
يلا مثل ماقلت لكم ادعوووواا ..
لين اخلص وسويت عدل في الامتحانات بادعي لكم بعد لانكم دعيتوا لي هههههههه احس كلام يهال
عطني باعطيك
يلا ياحلوووين ..
حان وقت الدراسه ..
الحين الساعه 7 مسااااء .. ومادري متى باخلص .. بس ان شاءالله انام من وهل عشان اقوم اراجع عدل
الله يستـــر
تحياتي المعذبه لين اخلص امتحانات
دموووعه *_^
ღ أونــه قاعده ادرس .. هع .. ادعوولي ^_^ ღ مرحبااا
شحالكم ..؟؟
ادري من زمان مانزلت مواضيع او صور في سبيسي
بس شاسوي ضغط الجامعه .. اهئ
المهم
اليوم جايه لكم بصوور ..
بما ان الامتحانات قربت
وكنت قاعده في غرفتي
قلت خلني ارتب اوراقي
وادرس لي كم صحفه
مدام فاضيه
انتو ادعووولي .. مع اني احس اني مادرست شي
بس يلا ..
اول صوره ..
سويت لين نسكافيه
عشان اضبط راسي شوي ..
ووجبت معاه بسكوويت .. اونه يعني حركات خخ
 وهني طاوله الدراسه
عليها خرابيط الدنيااا
 وهني صورت لكم الجززء اللي حاطه فيه دباااديب ناااااااااس
فديتهم انا والله ^__*
  المهم
وعقب ماقريت لي كم صفحه ..
ودرست .. اونه يعني
نزلت تحت
كنت يوعانه
جان احصلهم مسوين معكرونه اللي تحبها راعيه الاكس فايف
قلت خلني اصورها
اراويهاا .. وبالمره احطها في السبيس
شوفوا عشاااي
 وهني صوره الاكل عن قررررررب .. هع
 وفيه العافيه على بطــني
..
 ها شرااايكم ؟؟
يلا منتظررره تعليقاااتكم
مع تحياتي
آنــاا
دمــــووعـه
 ღ دلاغ وشغالات .. هع ღ
مرحبــااا..
ღ ماهـو صحــيـــح ღ
اليوم جايه لكم بقصيده ..
احبهـها
غناها عبدالمجيد عبدالله ..
تعجبني وايد
وان شاءالله تعجبكم ^_^
 ღ ماهـو صحــيح ღ
ما هو صحيح القلب للقلب شاهد
لو هو صحيح أصبحت مفتون فيني بيني و بينك حب من قلب واحد ليته يجيك من الهوى ما يجيني وليتك تعرف الشوق لى صار واجد وليتك تعرف أوجاع كثر الحنين ما قد شكيت الحر و الجو بارد و لا سهرت بليل طول السنين و لا مشيت العمر و الحظ قاعد و لا تحدّيت الألم و الونين أضحك و أنا لجروح الأحباب جاحد أداري المكنون عن كل عين ما ودّي أفرّح على القلب حاسد و إلا عذابي في عيوني يبين شي يهون و شي بالحيل كايد يا كود تجريح الخفوق الحزين من عانده وقته و قلبه يعاند مالت به الدنيا يسار ويمين غرّتني أمثال العرب بالشواهد يبيك قلبي و احسب إنك تبيني وسلامتكم.. ღ قعدة باربـكـيـو ღ
كنا في بيت خالتي.. ومسويه باربكيوو ..
هذي صور الدجاج
وهذا البرجر
وهني الهووت دوغ
هاا شراايكم ؟؟
ღ جامعة قطر مره ثانيه .. هع ღ
السلام عليكم
احم احم
مثل ماقلت لكم
بآحاول اني انزل صور من الجامعه
بس هالمره بشكل غير شويونه
العبط هاالايام ضارب حده
المهم
شوفوا
باقول لكم قصه كل صوره ..
اذا كان لها قصه يعني ..
نبداا
بسم الله
بس هاا قبل لانبدا
مب تقعدون تتطنزون على الصور
او تنشرون الصور وتقولون ترى دمعه قطر مصوره
ياويلكم
الصوره الاولى
هذي كانت على اواخر رمضان
استغفرالله
ياربي
مابي احطها
بس مادري ابي احطها
المهم
هاي بنت الله يسلمكم
كانت قاعده حذاي في محاضره
مب حذاي حذاي
يعني يمكن عقبي ببنتين ..
خلصت المحاضره
شوي الا اشوف شي اصفر طالع من تحتها
سويت نفسي ماشوف
بس خبركم الفضول يلعب دور
جان اشوف
الا يطلع لي ذاك العصفور
لا
لا
اقصد هذيج النعال
اللي تقول حق جواتي ديور وشانيل وكل شي
قوموا ووخروا عني
قلت الا اصورها
وربعي يقولون لي صج ماتستحين
وبيصيدونج
ومادري شنو
بس انا الا اصورها
جااان امسك جوالي
واقررب الزوم صوب ريولها
وجككككك
تصورت الصوره
شوفها .. هع
 سااامحنــي يااارب
  ننتقل حق الصوره الثانيه
هالصوره الله يسلمكم
كان عندي امتحان
وعندي بريك قبل الامتحان
قلت من بدال ما ادور او اقعد حق السوالف
خلني ادش المكتبه
لانها هاديه
واقعد اراجع شوي
قعدت ..
جان احصل ورقه جدامي
شوفوا شنو مكتووب عليها
 يعني بالعربي الفصيح جنهم يقولون لنا
موتوووووااا
هع
يحليلهم والله
اي
نسيت اقولكم
يوم جيبت باطلع من المكتبه
تعيزت انزل الدري
جاان ادخل اللفت
واصور شنو؟؟
شوفوا
 هع هع
وانا امشي
رايحه مبنى العلوم
جان اشوف تجمعات
هذول اللي يشتغلون في جامعتنا
ينظفون وهالخرابيط
قلت ليش ماصور
بس كانوا شوي بعاد
ماقدرت اصيد الصوره عدل
شوفوهم
 والحين نجي حق مبنى العلوم من داخل
هالمبنى ,, احبه
وايد حلوو
نبدا باللي تنظف يحليلهاا
شوفوها
كسرت خاطري
بس زين مانتبهت لي
 وعقب نجي حق شي عجيب
خطير
وايد وايد
شوفوه
بيعجبكم
مالحقت اصوره كله
لان كانوا مسكرينه
بس لحقت على جزززء
صغيرون
شوفوا
 وباالانجلش بعد
اونه حركااات
هع
 ونوصل حق جزء ثاني
وانا طالعه من محاضره
في مبنى التأسيسي..
جان اشوف اشياء
قلت ليش ماصورها ؟..
ووحده من ربعي معاي
تقول لي يالفضيحه يبين انج تصورين
وانا ولا علي
هع
شوفوا عندنا عياده في الجامعه
حق البنات اللي يمرضون او يصيير فيهم شي
 وهني
شوفوا عندنا غاابه
ترى ممكن تحصلون فيها وايد حيوانات لو تستكشفونها
وممكن في موسم الفقع
نحصل فيها فقع
خطيره غابتنا .. خخخ
شوفوهاا
 ونوصل للمكان الاخير
اخر الممر الي يوصلج حق المواقف
وانتي رايحه البيت
تصدقون
عندنا روضه ؟؟
خخ بس مب لنا طبعاا
حق اليهال
اكيد يعني حق من هههه
انزين شوفوها يلا
 بس خلاص تعبت
وهذي الصور اللي حق اليوم
نشوفكم يوم ثاني
تشاااو
ღ في القلب زايد ღ
ღ في القلب زايــــد ღ
 مع تحياتي
آنــا
دمووعــهـ قطـــر ღ الملل في جامعه قطر ღ
مرحبااا ..
شو اخباااررركم ..؟؟
طبعاً اللي في جامعه قطر .. يدرون ان البنات في هالشهر ..
يكونون مفهيين .. وكله مسطلين ..
والنشاط .. فاااضي ..
امس وانا في الجامعه .
ومن الملل اللي ضررررررب ..
ولان النشاط كان فااضي ..
قلت ليش ما اصور كم شغله ..
وبعد لانهم اسمحوا لنا الجوالات اللي فيها كيمرات ..
بعتهاا .. وصورت ..
 يلا نبدااا ..
هذا صب واي ..
ماقدرت اصوره عدل عدل ..
يعني خفت اقوم وارتز عنده .. ويجكووني .
قعدت مكاني .. وصورت ..
 ها شرايكم ؟؟..
ننتقل كورنر ثاني ..
صورته من بعيد شويونه ..
وهو .. باسكن روبنزز ..
 عقب ننتقل المكتبه ..
بما ان تخصصي يخليني ادخل المكتبه غصب ..
واحنا في القاعه ..
حصلنا باب ..
وعلى الباب !!
هالعباره ..
شوفوهاا ..
 يدرون ان بنات الجامعه يتعبثووون ..
جان يقفلونهاااا :p
وونوصل حق اخر صوره .
تدرون شنهي ؟؟
دخلنا اللفت .. اونه تعبانين ..
ومانبي نركب او ننزل بالدري ..
وجان ننصدم بالتلفون الموجود داخل ..
الله يعينه والله ..
صج شكله !! من قرن الديناصورات..
شوفوه ..
 فديت جامعتنا والله خخخ ..
لاتاخذون فكره سيئه ..
ترى زينه جامعتناا ..
يلا سي يوو..
ღ طفولة معاق ღ
اليوم جايه لكم بقصيده ..
صراحه اول ماقريتهاا .. حسيت باحساس غريب ..
حزنت على الكلمات الموجوده .. خاصه ان عندي واحد من الاهل .. يعاااني نفس هالمشكله ..
لكن .. هذا القدر .. وهذا المكتوب .. ومحد يقدر يغيره ..
بس لازم الامل والايمان يكون موجود .. عشان تكتمل الحياه .. والتفاؤل شي مطلوب .. في هالحاله ..
اترككم مع القصيده .. وهي بعنوان .."طفولة معاق"..
وودي اشوفكم آرائكم ..
ღ طفــــولة معــــــــــاق ღ
الطفوله .. أحلى مافي هالحياة مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني ... بسمه فينا ترتســم كنـّا نركض خلف كورة ... لا لا أنا ماكنت معهم؟ وحدي بس بعيد عنهم ... كنت أضحك من ضحكهم ... جالس لحالي أهذري!... جالس أحسب كم( كُوبري )*... صلـّحه( أحمد ) في ( ماجد ) ؟؟ والله واجد!! وقبل ما يحل الظلام ... للبيوت نروح نجري ... لا لا أنا ماكنت معهم ! أمشي وحدي بعيد عنهم ... أمشي وأعدد أثرهم! وهم عني يبعدون ... يبعدون ... يبعدون ... إلا( ماجد )! كان مثلي حيل ضايق ... بس حزنـي كــان حارق كان يسألني ببراءه : ... ليه تعرج ؟ ... قلت مادري ! - باستياء - ليش تبكي ؟ قلت مابكي - بكبرياء - ضاق مني ... ثم سألني في غباء ... قال ( وثرايك تـثــابق )؟ وراح عنــّــي ... !!
كنت أسأل دوم نفسي ... ليش ما أركض معاهم ؟؟ ليش دوم أمشي وراهم ؟؟ وش بلاي ؟؟ أو وش بلاهم ؟؟ ليه أنا غير الأنام ؟؟ كل شيٍ أجهله ؟ وإن تعبت من الإجـــابه... أحظن الحيـــره وأنام .
مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز )! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل مامشي دقيقه القى كل شوي أبله ! يمشي ويناظر صديقه ... ويغمز له يقول : ناظر...! وش يناظر ؟؟ وتتفجّــر في خفوقي ووحده في وسط الزحام ... طالعتني باهتمام ... بنت في عمر الزهو ... أي رشاقه ... وأي أناقه ... وأي عطـــور !! قلت في نفسي ياهووووه هي تناظرني بغرام ؟ أو هي نظره والسلام ؟ بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت ... لي قصيده ... بس صوره ... ياسلااااا م وفاجأتني ... لمـّا صارت لي قريبه ... كانت تـتمـتم بطيبه ( يكسر الخاطــر حـــرااااام ) !!!!! وتركت دمعه غريبه ... وضاعت بوسط الزحــام n ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يكسر ... خاطر انثى كيف ينسى ؟؟؟ جاوبوني ! **** وزاد همّــي ... يوم فكــّـرت بوظيفه ... ثم زواج أي وظيفه ... وأي زواج ؟؟ اللــي مثـلي ... مهما طالب ... لويلف ولو يدور زين لو حطـــّــوه كــاتب لا ... وعلى بنــد الأجـــــــور ... ماهو رسمي !!! تصدقون لو تدرّج ... وصار راتبه يتصاعد وابتــدا وضعه يزين ما أظنه بيتزوّج ... إلا من بعد التقاعد من سنه الى سنتين !
ღ عيــال حارتنـــا ღ ايام المدرسه ..
أحلى الاياام ..
الكل على نيته ..
القلوب صااافيه ..
الحب مكتســـح الساحه ..
 بسس
للأسف
كبرنا
وتشتتنا
وكل وحده منا
بطريق !!
صداقه .. وناسه .. ضحك .. وسوالف .. واللي فوق كل هذا
الروح الطيبه
ماتشوفين حد يحقد على الثاني
كلهم واقفين مع بعض ..
خلصت المدرسه !!
ودخلنا الجامعه
اللي قعدت في البيت
واللي تغيرت !
واللي كبر راسها ؟
واللي تزوجت ونست ان عندها ربع
والنااااادر .
واللي ماتحصلينه وايد ..
تكون لج رفيجه او ربع لليحين معاج .. من عقب المدرسه !
دنيا تغيرها القلووووب ..
الله يسااامحهم بس..
على العموم ما اطول عليكم ..
هذه قصيده فيصل اليامي
عن المدرسه تقريبا
كلمات حلوة
وأثرت فيني وايد
اخليكم معاهااا..
يـاليـت ان الزمن يرجع ورى ولا الليـــالي تـدور
.............. ويــرجع وقتـنا الأول وننـعم في بساطتنا
زمان أول أحس انه زمان ٍ فيه صدق شعــــــور .............. نحـب ونخلــص النيـة وتجـمعنا محـــبتنــا
زمـــن مافيــه لاغيبــه ولا حتــى نفـــــاق وزور .............. يليتــــه بس لو يــرجع ونسترجع طفولتنا
صغار قلوبــــنا بيضـــا نعيـــش بعالم محصــور .............. ولا نعــرف أبد أغراب ماغيرعيال حارتنـا
صحيح صغـار في التفكير ولكن ماعلينا قصـور .............. نخــطط نكسر اللعبة وتســــعدنا شقاوتنـا
نروح المدرسة بدري ونضحك داخل الطابـــــور ............. نحـــاول نـزعج العالم في روحتنا وجيتنا
وعشان نأخر الحصة نخبي علبة الطبشـــــــور .............. نشـــاغب بس في الأخر تميــــزنا بــرائتنا
نحب الضحكة والهيصة نحب انط فوق الســــور .............. نفرفش.. ليه مانفرفش مدام الضحك عادتــنا
ولكـــن دارت الأيــام وبان الخافي المستـــور .............. وصــــــار الهم متــعلي على قمة سعادتــنا
كبرنا وصارت الدنيا تصف أحزاننا بالـــــــدور ............. وتهدينا الألم والهم غصب عن عين رغبتـنا
تعبــنا من بلاوينا أحد ضايق وأحد مقهـــــور ............. وكـــــل ٍ غارق بهمة.. وفـالآخـر تشـتتنـــا
أنا ماقول غير الا ياليــت انه الزمان يـــــــدور .............. ويــرجع للورى فتره نعـدل وضع عيشتنــا
ღ عدد الزوار ღღ انت الزائر رقم لـ سبيسي ღ
Life Has a Meaning when you Here with me |
|
|||||
أدمنت عليها
|
|
